ಭಾನುವಾರ, ಡಿಸೆಂಬರ್ 21, 2014

ರಂಗ-ರಾತ್ರಿ-ರಾಧೆ...






ನೂರೆಂಟು ಕನಸುಗಳ ಚಿತ್ತಾರ ರಾತ್ರಿಯೆಲ್ಲಾ..
ಪಕ್ಕದಲಿ ನೀ ಬಂದು ಕುಳಿತಂತೆ..
ಹೂವು ಮುಡಿಸಿದಂತೆ...
ಒಮ್ಮೆ ಮುದ್ದಿಸಿದಂತೆ...
ಕದ್ದು ಎದೆಯ ಭಾವ
ಒಮ್ಮೆಗೇ ಮಾಯವಾದಂತೆ...

ಮೋಹಗೊಂಡೆನೊ ಹೇಗೆ
ಕಾರಿರುಳ ರಾತ್ರಿಯಲಿ...
ನೀರವ ಬೃಂದಾವನ..
ಮನೆಯೊಳಗೆ ಆರಿದ ಹಣತೆ..
ಸಂತಸವಿಲ್ಲ ಎಲ್ಲೆಲ್ಲೂ..
ಯಮುನೆಯ ತಟದಲ್ಲಿ ಬರೀ ವಿರಹಗೀತ....

ಮೊನ್ನೆಮೊನ್ನೆಯ ತನಕ ಇಲ್ಲೆ ಇದ್ದವ ನೀನು,,
ಇಂದು ಎಲ್ಲಿಹೆ ಕೃಷ್ಣ ಮರೆತು ನಿನ್ನ ರಾಧೆಯನ್ನು...
ಕೊಳಲು ಕಾಯುತಲಿದೆ..
ಕೊರಳು ಸೋಲುತಲಿದೆ..
ಮತ್ತೊಮ್ಮೆ ಬಾ ಒಲವೆ...
ಮನವೇಕೊ ಹೇಳುತಿದೆ...ದಿನಹೆಚ್ಚು ಉಳಿದಿಲ್ಲ ನನಗೆ.....
......

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ